As Entidades Colaboradoras poderán utilizar a imaxe de INEO e unirse a un proxecto estratéxico para as empresas galegas, coas vantaxes que comporta: o apoio dunha organización de prestixio e o recoñecemento social que proporciona colaborar co desenvolvemento da sociedade da información en Galicia.

INEO contará co seu propio servizo de información, que fornecerá datos de gran valor competitivo sobre os escenarios actuais e futuros do sector. Será tamén un espazo aberto ao debate intersectorial e ao intercambio de coñecementos para a vixilancia tecnolóxica e a cooperación. Un instrumento imprescindible para coñecer a realidade TIC en Galicia INEO promocionará a creación dunha rede social centrada en promover a innovación nos procesos de negocio das empresas.

As Entidades Colaboradoras poderían dispor segundo a sua tipoloxía dun representante no Consello Consultivo. Este organismo integrará profesionais, entidades financeiras e representantes institucionals do sector empresarial entre outros.

Hoxe en día INEO, creada con sentido práctico e orientada cara á acción, ten deseñados e orzamentados 26 proxectos para dinamizar o sector TIC durante os tres próximos anos. Estas iniciativas supoñen un gran pulo innovador para o mercado,que implica a todos os axentes xeradores de riqueza de Galicia (administracións, entidades financeiras, universidades,asociacións empresariais...). As Entidades Colaboradoras terán a oportunidade de propor e fomentar a realización de actividades e estratexias concordes cos obxectivos de INEO.